09:34 Лааҕырдар слеттара | |
Балаҕан ыйын 6 кунугэр сылын аайы ыытыллар оҕолор сайыҥҥы лааҕырдарын үлэтин тумугунэн улуустаа5ы “Лаа5ырдар слеттара” буолан ааста. Онно биһиги оскуолаттан сайыҥҥы кэмҥэ үлэлээбит «Унугэс” уонна “Солнышко” лааҕырдарга сылдьыбыт оҕолор кыттыыны ылан кэлбиттэрэ. Тэрийээччилэр: Улуустааҕы үөрэх управлениета, Л.Е.Лукина аатынан эбии үөрэхтээһин киинэ, Агеев аатынан оҕо спортивнай оскуолата, Бэрдьигэстэхтээҕи оҕо ускуустубатын оскуолата, Горнайдааҕы айылҕа харыстабылын инспекцията. Сыала соруга: - Сайыҥҥы лааҕыр таһымын үрдэтии; - Талааннары таһаарыы; - Чөл олохтоох буолуу. Улуустан 11 оскуола кыттыыны ылла. Биһигиттэн 10 оҕо оскуола чиэһин ситиһиилээхтик көмускээн кэллилэр. Тэрээһин квест-оонньуу быһыытынан ыытылынна. 11 түһүмэх олус көхтөөхтүк, сэргэхтик ааста. Бу квест-оонньууга биһиги оҕолорбут үҥкүүлээн да ыллылар, худуоһунньук да буоллулар, Саха сирин историятын билиигэ тургутууну аастылар, спортивнай курэххэ кытыннылар, эҕэрдэ нүөмэр көрдөрдүлэр, тест толордулар. Лаҕырдар үлэлэрин көрөн-билсэн элбэҕи биллибит, опыт ыллыбыт, инники үлэбитин торумнаатыбыт. Оҕолор бу тэрээһинтэн астынан, дуоһуйан, сынньанаҥ кэллилэр.
| |
|
Всего комментариев: 0 | |