Ахсынньы ый 7 күнүгэр тапталлаах оскуолабыт үбүлүөйдээх  дьоро күнүгэр, биһигини барыбытын оскуолаҕа түмпүтэ.  Бор -Дьиикимдэ оскуолата  төрүттэммитэ 90 сылын туолла!!!

Үтүөҕэ-кэрэҕэ талаһарга куорсун анньынан, олох киэҥ аартыгар үктэнэргэ көмөлөһөөччүнэн, саҥа саҕахтары арыйааччынан биһиэхэ барыбытыгар оскуолабыт буолар.

  Сарсыарда 9ч. ыалдьыттары регистрациялааһын саҕаламмыта. Уопсайа 201 выпускник регистрацияламмыта.

  Үбүлүөйдээх күммүтүгэр ыраахтан-чугастан үөрүүбүтүн үллэстэ кэлбит үтүө-мааны ыалдьыттарбыт Андреев Никита Викторович – “Горнай улууһа” муниципальнай оройуон баһылыга, Данилова Варвара Семеновна – Семен Петрович Данилов ииппит кыыһа, Данилова Вера Софроновна,  Данилова Любовь Софроновна - Софрон Петрович Данилов кыргыттара, Иванов Алексей Егорович - Горнай улууһун үөрэҕирии управлениетын начальнигын солбуйааччыта, Степанов Иннокентий Васильевич - Саха сирин Наука Академиятын сүрүннүүр специалиһа, Пахомова Евдокия Степановна - “Мытаах нэһилиэгэ” муниципальнай тэриллии баһылыгын солбуйааччыта, Ирина Дмитриевна Степанова кыыһа, Степанова Сардаана Николаевна СР “Суорун Омоллоон аатынан опера уонна балет театрын” режиссерын көмөлөһөөччүтэ уо.д.а.

  Ону таһынан бэтэрээн учууталларбыт, өр сылларга олохторун оскуолаҕа анаабыт дьоннорбут: Данилова Елизавета Степановна, Парфенов Владимир Прокопьевич, Макарова Галина Степановна, Павлова Альбина Афанасьевна, Николаев Владимир Афанасьевич, Николаева Татьяна Петровна,  Тимофеева Розалия Константиновна, Тимофеева Раиса Петровна, Соловьева Варвара Петровна, Данилова Раиса Гаврильевна, Константинова Татьяна Николаевна, Заровняева Наталья Семеновна уо.д.а.

Ыалдьыттар, выпускниктар хас кылаас аайы “Оҕо сааһым оонньуулара”  диэн кылаас чаастарга кыттыыны ылбыттара.

Торжественнай чааска ыҥырыылаах ыалдьыттар, оскуола директордара, выпускниктар элбэх үтүө тыллаах эҕэрдэлэри, наҕараадалары туттарбыттара.

СР үөрэх министерствотын Почетнай Грамотатынан   наҕараадаламмыта Карпов Евгений Геннадьевич история, обществознание учуутала. СР Үөрэх Министерствотын Махтал суругунан наҕараадаламмыта  Иванова Сардана Иннокентьевна биология учуутала, психолог.

“Горнай улууһа” муниципальнай оройуон Почетнай Грамотатынан наҕараадаламмыта Кириллина Саргылана Викторовна саха тылын, литературатын учуутала. “Горнай улууһа” муниципальнай оройуон Махтал суругунан наҕараадаламмыттара Константинова Валентина Егоровна оскуола педагог-библиотекаря, Андреев Егор Егорович оскуола суоппара.

Тыа хаһаайыстыбатын управлениятын Махтал суругунан наҕараадаламмыттара Заровняева Наталья Семеновна химия, биология учуутала, Акимова Оксана Алексеевна, алын сүһүөх кылаас учуутала.

Үөрэх управлениятын  Почетнай Грамотатынан наҕараадаламмытара Максимова Маргарита Юрьевна нуучча тылын, литературатын учуутала, Николаева Федора Федотована алын сүһүөх кылаас учуутала, Данилова Раиса Гаврильевна история, обществознание учуутала,  Пахомова Евдокия Степановна - “Мытаах нэһилиэгэ” муниципальнай тэриллии баһылыгын солбуйааччыта.

Үөрэх управлениятын Махтал суругунан наҕараадаламмыттара Николаев Иван Иванович бэтэрээн учуутал, Константинова Татьяна Николаевна математика учуутала. “Мытаах нэһилиэгэ” муниципальнай тэриллии Махтал суругунан наҕараадаламмыттара Андреев Егор Егорович оскуола суоппара, Павлова Сардана Семеновна лаборант, үҥкүү куруһуогун салайааччыта, Васильева Алевтина Максимовна саха тылын, литературатын учуутала, оҕо хамсааһынын салайааччыта. Александров Владимир Петрович технология учуутала, Попов Леонид Николаевич оскуола рабочайа.

СР үөрэҕирииитин систематын бочуоттаах ветерана Ирина Дмитриевна Степанова кыыһа, меценат Степанова Сардаана Николаевна 10 000 солк суммалаах Граны Акимова Оксана Алексеевнаҕа,  алын сүһүөх кылаас учууталыгар туттарбыта.

Софрон Петрович аатынан Дьиикимдэ орто оскуолатын Махтал суругунан наҕараадаламмыттара Саввин Алексей Алексеевич—география учуутала, Павлова Марина Трофимовна, Григорьева Надежда Владимировна, Кириллина Мария Михайловна—алын сүһүөх кылааһын учууталлара, Павлова Лидия Петровна—нуучча тылын, литературатын учуутала, Прокопьева Евдокия Васильевна, Егорова Саргылана Петровна физкультура учууталлара, Тимофеева Варвара Сергеевна—социальнай педагог. Саввинова Александра Альбертовна—математика учуутала. Павлова Анна Гаврильевна – хаһаайыстыбаннай чааска директоры солбуйааччы, Константинов Илья Степанович, Спиридонов Василий Васильевич—оскуола охранниктара, Александрова Мария Дмитриевна, Максимова Елизавета Дмитриевна, Спиридонова Августа Егоровна, Максимова Мария Семеновна—оскуола тех үлэһиттэрэ.

7 кылаас үөрэнээччитигэр Егоров Толяҕа 1985 сыллаах выпусктар 3000 солкуобай суммалаах стипендияны анаабыттара.

Араас көлүөнэ выпускниктара күндү оскуолабытыгар, үөрэппит учууталларыгар махтал тылларын, эҕэрдэлэрин, бэлэхтэрин туттартаабыттара.

Эбиэккэ ыалдьыттарга, выпускниктарга босхо минньигэс комплекснай эбиэт түҥэтиллибитэ.

Оскуола биһиэхэ  умнуллубат кэрэ да кэмнэри бэлэхтээбитэ. Ама, умнуохпут дуо... сырдыкка, үтүөҕэ сирдиир учуутал доҕорбутум, хомолтобутун-үөрүүбүтүн тэҥҥэ үллэстэр оҕо сааспыт доҕотторун! Хас биирдиибит ахтан-санаан ааспыта, ол сырдыгынан сыдьаайар күндү кэми, сүүрбүт-көппүт дьоллоох оҕо сааһы, эрчимнээх эдэр саас умнуллубат сылларын!

Торжественнай чаас түмүгэр  юбилейнай минньигэс тордунан күндүлээбиттэрэ.

Уруйдан-айхаллан! Үйэ саас тухары!

Тапталлаах  оскуолам барахсан! 

Төрөөбүт күҥҥүнэн! Тапталлаах оскуолам!

Эҕэрдэ истиҥин эйиэхэ тиэрдэбит!

16ч.—«Эҕэрдэ эйиэхэ тапталлаах оскуолам» диэн художественнай самодеятельность концерын оскуола оҕолоро, үлэһиттэрэ саҥа тутуллубут Мытаах сынньалан киинигэр көрдербүттэрэ. Ыалдьыттар, выпускниктар музейы сөҕө-махтайа көрдүлэр.

18ч. - Көлүөнэннэн көрсүһүү оскуолаҕа ыытыллыбыта. Араас көлүөнэҕэ үөрэммит дьоннор оҕо саастарын, үөрэммит кэмнэрин санаан кылаастарынан оҥоһуллубут фото зонаҕа өйдөбүнньүк хаартыскаҕа түспүттэрэ. Күлэ-үөрэн тарҕаспыттара.